Outskirts Press, INC.

Kibali ni tamthilia ya mwanamke kwa jina Kisasa ambaye yuko kwenye harakati za kujikomboa kutoka kwenye wavu wa utamaduni unaompendelea mwanamume. Ni tamthilia iliyosanwa kwa migogoro, migongano, visiki na vizingiti vinavyomkabili Kisasa katika harakati alizo nazo za kujikomboa.

Kibali ni tamthilia ya lazima kwa wapenzi wa fasihi ya Kiswahili. Tamthilia hii inashughulikia swala nyeti kuhusu namna ambavyo mwanamke mwenye elimu anahusiana na jamii pana anamotoka au anamojipata.

Kwa kuandika tamthilia hii isyowekeka chini, David Kyeu amejithibitisha kuwa miongoni mwa kizazi kipya cha waandishi wa tamthilia ya Kiswahili. Anaichezea lugha ya Kiswahili kwa njia ya kipekee katika kuyasukasuka matukio ya mjini na vijijini na kuyaweka kwa njia ya kiubunifu.